Noticias FGA

O proximo domingo 6 de setembro celébrase o Campionato de Galicia de 10 km organizado pola Federación Galega de Atletismo e o Concello de Vimianzo, este celébrase de forma conxunta coa V Carreira Popular Concello de Vimianzo. Entre os atletas máis destacados citamos a Sandra Mosquera do Comesaña que demostrou na Carreira Popular de Noia estar de novo a un bo nivel, Raquel Suarez do Ria Ferrol, Teresa Castro do Atletismo Noia e Rubén Caamaño do Club Atletismo Sar,  favorito a priori na categoria masculina. A saída e meta da proba estará situada nas proximidades da Praza do Concello. Atletas inscritos

Celebrouse onte unha reunión de adestradores galegos da FGA coa directora técnica Madó González e Isidoro Hornillos, reunión aberta a todos os adestradores da Escola Galega de adestradores na que debatíronse temas importantes como o programa Xogade, o calendario para a tempada 2015/2016 e as sesións técnicas a celebrar polos adestradores para intercambiar coñecementos.

A FGA iniciará a tempada 2015/16 con novos membros no Comité Técnico, nesta semana deixaba o seu cargo Santi Ferrer Moreira como responsable do sector de saltos, tras varios anos facendo unha extraordinaria labor para o atletismo galego. Santi Ferrer continuará colaborando ca FGA en diversos ámbitos, a súa próxima colaboración será como docente dos vindeiros Cursos de Monitor Nacional de Atletismo que se disputarán en A Coruña e Pontevedra.

Mario González e Santi Ferrer Alonso serán os novos responsables de Saltos horizontais e Saltos verticais, respectivamente

Dous grandres profesionais do atletismo galego, Mario González, quen sempre estivo vinculado ao atletismo, na súa faceta de atleta, adestrador e docente, será quen asuma as funcións de Responsable de Saltos Horizontais, mentres que Santi Ferrer Alonso,  asumirá as funcións de Responsable de Saltos Verticais. O curriculum de Santi salienta polas seus éxitos deportivos, como atleta e adestrador,  e académicos, ostentando unha importante e forte formación universitaria no eido do deporte.

No seguinte enlace pódese ollar o Comité Técnico con todos os seus integrantes

http://www.atletismogalego.com/fga/p3.asp?id=29

Xulio Ventin novo director do Centro Galego de Tecnificación Deportiva tomando o relevo na dirección de Elena Fernández. Novo reto profesional e deportivo para Ventin responsable de combinadas da Federación Galega de Atletismo e adestrador dalgúns dos atletas máis destacados de saltos en Galicia como o pertiguista Santiago Ferrer.

Aberto o prazo de inscrición para a Coruña10, proba integrada no III Circuito Provincial de Carreiras Populares Deputación Provincial da Coruña. A proba que chega a sua novena edición disputarase o vindeiro 11 de outubro cun novo circuíto urbano e que transcurre na sua totalidade polo Paseo Marítimo da cidade herculina. O circuito estará homologado pola Real Federación Española de Atletismo. As inscricións faranse a través da páxina web da Federación Galega de Atletismo www.carreirasgalegas.com ata o día 1 de outubro ás 23:59h e a cota da inscrición será de 10 € para as e os propietarios de chip amarelo, e 12 € para aquelas persoas que non dispoñan do chip. Tamén están programadas probas para as categorias benxamin, alevin, infantil, cadete e xuvenil.

Publicado o listado de atletas becados no CGTD. A Secretaría Xeral para o Deporte fixo público no día de onte o listado de atletas becados no CGTD na vindeira tempada 2015/16. http://deporte.xunta.es/index.php?idMenu=67&int1=2824&idIdioma=2

Celebroue unha reunión co Tenente Alcalde de Silleda (Pontevedra) alcaldesa en funcións durante estes días, Ana Luisa González., Isidoro Hornillos, presidente da FGA e Roberto Pérez Manuel, Arquitecto Técnico e membro da Xunta Directiva da FGA. Entre os temas tratados analizouse a situación das xestións para situar a Pista Cuberta de Galicia. A semana pasada mantívose unha reunión similar co Alcalde de Sada Oscar Benito Portela Fernandez e co presidente do Club Atletismo Sada, Fernando Míguez Sánchez. A finais de Setembro poderemos facilitar información máis concreta sobre este importante proxecto do atletismo de Galicia.

A Federación Española de Atletismo publicou na sua circular número 192/2015 no día de hoxe a confirmación dos equipos clasificados para disputar as ligas de División de Honra e Primeira División na tempada 2015/2016. En canto aos clubes galegos en División de Honra volveremos contar coa Sociedad Gimnástica de Pontevedra en homes e o Club Ria Ferrol en mulleres, en canto á Primeira División contaremos con 4 equipos en homes o Real Club Celta e o Club Atletismo Narón e en mulleres o Lucus Caixa Rural e o Atletismo Feminino Celta