Noticias FGA

Fin de semana con probas destacadas en ruta, na XX Media Maratón de Pontevedra impuxéronse Manuel Hurtado do New Balance con 1.08.02 e Leticia Fernández do Ria Ferrol con 1.20.15, en Finisterre nos 10 km da II Carreira Popular Concello de Finisterre Rocio Alvite en mulleres e Cristian Muiño en homes foron os primeiros en cruzar a meta mentres que na proba de 5 km serían Paula Esteiro e Amador Pena. Outros nomes do fin semana serían Pedro Nimo que lograba a cuarta posición na IV Sanitas Marca Gijón con 31.23 nos 10 km e Alejandro Fernández na media maratón de Valencia na que lograba un tempo de 1.06.50. En Ames disputouse a XVI Carreira Popular Concello de Ares na que venceron a atleta do Ria Ferrol Raquel Suárez e Abdelkader Bouguerroudj, por último disputouse en Vigo o XX Cross Escolar A.D. Castro- San Miguel.

Xa está publicada na Circular 63-2015 a normativa de licenzas cas novas cuotas aprobadas pola Comisión Delegada e a Xunta Directiva da FGA na súa xuntanza do pasado sábado. Nos vindeiros días actualizarase a circular cos datos da nova compañía de seguros. O actual seguro seguirá vixente ata o 31 de outubro.  Como novidade este ano, expedirase un carné a todas as persoas que saquen unha licenza federada, xa sexa de atleta, xuiz ou adestrador.

O vindeiro martes publicarase a nova normativa de licenzas e as cuotas dos seguros e licenzas, unha vez aprobadas pola Comisión Delegada na xuntanza prevista para este sábado. Pregamos aos clubes que esperen ata esa data para facer o trámite de renovación de club. 

E a partir do día 19 abrirase a plataforma para o trámite das licenzas de atletas, xuíces e adestradores.

Asemade esta Federación informa que este ano non se implantará a licenza única no atletismo, polo que todo o trámite será semellante á presente tempada.

Importante para os clubes, atletas e adestradores

Este ano imprimiránse as licenzas nunha tarxeta en pvc para atletas con licenza nacional e autonómica, adestradores  e xuíces, polo que será obrigatorio subir unha foto carné do atleta, xuíz e adestradores dixitalizada, para as altas e renovacións.

Sensacional o nivel de atletas que se reunirán o domingo na proba de Coruña 10 que chega á súa novena edición. Nun circuíto novo nas inmediaciones do Palacio dos Deportes de Riazor e o Paseo Maritimo veremos de novo enfrontarse como en tempadas anteriores a parte dos mellores fondistas galegos, en mulleres destacamos a Solange Pereira campioa de España de 1500 metros, Paula Mayobre gañadora nas últimas probas en ruta que disputou, Yolanda Gutierrez inmersa na preparación do maratón, Leticia Fernández, María Jesús Gestido, Sandra Mosquera e a atleta internacional do New Balance Paula Gonzalez; en homes ao marroquí Addelmounin Harroufi súmanselle  Alejandro Fernández, Carlos Villamor, Manuel Hurtado, Robertas Geralavicius, Hassan Lekhili ou Akka Essaadaoui. Ás 10.30 darase a saída á proba absoluta na Avenida da Habana e posteriormente realizaranse as carreiras dos menores desde a categoría benxamin a xuvenil

LISTAXE DE INSCRITOS EN CORUÑA 10 

Xa pode consultar o número de dorsal asignado pola organización da Carreira Popular de Coruña 10 (Picar aquí)