Noticias FGA

Noticias Web FGA .- Destacadas figuras no Galego Sub18 de Ferrol

Noticias FGA

Destacadas figuras no Galego Sub18 de Ferrol

Destacadas e notables presencias son as que se poderán contemplar o sábado día 26 durante a disputa do Campionato de Galicia Sub-18 que acontecerá nas pistas ferrolanas da Malata e que servirán, ademáis, como unha excelente oportunidade para establecer esas mínimas esixidas que dan acceso ó nacional dos días 23 e 24 de xuño en Gijón.
Entre os atletas inscritos máis salientables, cabe citar a de Víctor Mosterio do C.A. Santiago quen este ano marcaría un rexistro de 11.22 nos 100 m.l. e de 22.55 nos 200 m. Nerea Iglesias do Fontes do SAR con 12.32 e Carlos Alvarez da Atlética Lucense con 11.23 -mália que ambos con vento non válido- estarán a loitar polo triunfo. Para animar ainda máis a velocidade, contarase ca participación de Carlos Argibay do Santa Uxía líder no ránking galego dos 200 m. con 22.43.
A cabeza de lista nacional na proba dos 800 m. Lucía Sicre do RÍA Ferrol tomará parte nos 400 m. o que facilitará que a súa compañeira de club Irene Barreiro con 2:14.78 parta como favorita sobre as dúas voltas.
Unha das estrelas do Campionato El Mehdh El Nabaoui do San Paio a Estrada obtará polos 1.500 m. na que ten acreditados 4:04.34. Xunto el Sara Gómez da Atlética Lucense na mesma proba con 4.52.79 e Sonsoles Martín do ADAS Proinor no 5.000 m. con 18:35.95, parten como claras favoritas.
Os valados curtos terán unha interesante loita entre Guzmán Carril da Atlética Lucense con 15.15 ePablo Rodríguez do C.A. Santiago con 15.21, malia que ambos con vento superior ó permitido. O lucense tamén tomará parte nos 400 m. v. nunha proba moi emocionante na que se terá que medir ó atleta da Gimnástica Pablo Boleas.
Lía Caride do RÍA Ferrol a priori debería ter algo máis doado impoñerse na súa proba dos 100 v. se temos en conta a marca efectuada de 15.11 do pasado mes de abril en Vigo.
Nos obstáculos Diego Alonso con 6:20.39 acadados en Lugo recentemente,  fan del o claro aspirate ó autonómico da súa proba.
Xa nos saltos a atleta internacional do Celta Olaia Guisela Becerril será outra das atraccións do campionato na proba de lonxitude correspondendo o protagonismo en triplo masculino para Marco Martínez da Gimnástica con 13.93 m.
En lanzamentos Nicolás García do Celta con 55.40 m. e Marcos Bouza do Beade, son os chamados a dominar o disco ó igual que Cristina Freire do AVA con 37.88 m. e María Jiménez Deza da Gimnástica na mesma proba.
No martelo outro importante punto de atención será o concurso de Irene Gómez do A.F. Celta quen tentará unha vez máis superar o seu propio récord galego de 60.02, xunto ela a súa compañeira de club Patricia Correa terá como obxectivo deixar atrás a barreira dos 52 m. Yago Araujo do Beade é o claro favorito nos homes con 60.87 m. así como Jonatas Pereira do Cuntis na xavelina con 59.82 m. Nesta última proba Andrea Botella con 38.90 suplirá as ausencias tanto de Antía Sestelo como de María Pena ambas ausentes
No sector da marcha Iria Rivas do Femenino Celta,  Roberto Vieiro do C.A. Santiago e Hugo Martínez da Atlética Lucense  parten como claros referentes na proba.

Noticias Web FGA .- O Barco recibe un emocionante Galego Sub16

Noticias FGA

O Barco recibe un emocionante Galego Sub16

Entrados xa de cheo na tempada de aire libre continúan a desenvolverse cada fin de semana os distintos campionatos autonómicos do noso deporte. Para este último  do mes de maio, poderemos presenciar os Campionatos de Galicia Sub-16 en O Barco e o Sub-18 cuxo escenario será Ferrol.
Para falar do Galego Sub-16,  destacaremos a participación de Lope Quinteiro do Vila de Cangas quen tomará parte na proba dos 1.000 m. na que ten acreditados este ano uns rexistros de 2:38.07 que o fan ocupar a segunda posición do ránking nacional. Este mesmo atleta concursará tamén no peso na que parte como claro favorito con 13.76 m. Igual de interesante será a participación nos 1.000 m.do lucense do Franciscanos Iker González con 2:39.76.
Continuando co fondo e dando paso ós 3000 m. poderemos disfrutar das evolucións do xoven valor da Gimnástica Hugo García quen con 8:56.73 lidera o ránking nacional. Atención tamén nesta mesma proba, tanto a Pedro Vázquez do Real Club Celta con 9:20.71 como de Antón Martínez da Atlética Lucense con 9:23.76. Nas mulleres contaremos ca participación de Elsa Pena do Atletismo Tui que parte como clara favorita garzas ós seus 10:39.76.
Nos valados curtos a lucense do Franciscanos Lucía Sánchez del Valle tentará achegarse ós 15.11 que ten como MMT malia que con vento superior ó permitido. Belén García do ADAS-Proinor pola súa banda loitará por rebaixar os seus excelentes 46.08 que acadaría a finais de marzo nos 300 valados.
En obstáculos Martín Rivera do Ourense Atletismo non debería ter problemas en refrendar os 4:44.72 que fan que se atope de sexto no ránking nacional da proba ó igual que Carmen Victoria González do Franciscanos de Lugo con 5:30.47 que a sitúan de novena na mesma lista da RFEA.
Na proba de triplo interesante loita a que manterán Alba Cons do Atletismo Negreira con 11.56 m. eCarla Mourelle do Lucus Caixa Rural Galega quen con 11.30 m. garanten a emoción neste concurso. De igual modo non menos interesante será a loita polo título galego en peso entre Paula Piñón do Friol con 11.43 m. e Victoria Eiríz da Atlética Lucense con 11.37 m.
Na pértega Lola Bouza do ADAS Proinor e Lara Tilde en martelo do A.F. Celta, defenderán os seus respectivos rexistros de 3.10 m. e 43.45 m. que as converten en claras favoritas.
Os lanzamentos serán sen dúbidas un importante foco de atención ca presenza en martelo do céltico Eric Méndez que ben de batir o récord galego cuns formidables 66.23 m. que o sitúan ó fronte do nacional. O tamén atleta do Celta David García con 55.71 m. tentará mellorar o seu rexistro neste mesmo concurso.
Capítulo aparte merece unha das probas estandarte do noso atletismo, a xavelina. Aquí contaremos ca presenza dos líderes nacionais en ambas categorías, Antía Sestelo do A.F. Celta con 46.18 m. e de Daniel Mato do Millaraio con 49.50 m. ¡todo un luxo! Por si foro pouco xunto eles estarán lanzando María Pena de A Silva con 41.58 m., Paula Piñón do Friol con 36.77 m. e Carmen Victoria González do Franciscanos 33.89 m. todos elas no top10 do ránking nacional.
Na marcha Ana Piñeriro do Vila de Cangas parte como clara favorita grazas ós 15:34.26 acadados en Pontevedra o mes pasado.

 

Noticias Web FGA .- Todo por decidir logo da segunda xornada de Liga

Noticias FGA

Todo por decidir logo da segunda xornada de Liga

Aconteceu esta fin de semana o segundo encontro correspondente á Liga Nacional de clubs tanto na División de Honra como na Primeira categoría. A esta importante cita acudiron un total de cinco equipos con aspiracións e necesidades bastante dispares.
Comezando pola División de Honra masculina, paso importantísimo dado pola Sociedad Gimnástica na súa aspiración por permanecer un ano máis entre os grandes do atletismo nacional grazas ó terceiro posto acadado no seu encontro disputado en Soria e na que aventaxaría por un só punto o cuarto clasificado o conxunto do L´Hospitalet. Con esta puntuación os pontevedreses colócanse de 12º con catro puntos deixando tras deles  a catro equipos con 2 puntos e que o fan estar con pe e medio unha ano máis na División de Honra.
Pola súa banda na categoría feminina o RIA Ferrol, non puido evitar o cuarto lugar do seu cadrangular desenvolto en Donostia onde ocadaría unha puntuación total de 131 puntos que as colocan de 14ª  na clasificación xeral logo das dúas xornadas e que obligan as ferrolanas a tomar parte no último e decisivo encontró na procura da salvación. As opcións pasan por  gañar no octoganal pola permanencia tanto ó Valladolid, Bidezabal como Tenerife, equipos accesibles para o experimentado conxunto de Ferrol.
Xa na primeira división fantástico papel dos equipos celestes na que tanto as mulleres como os homes repetirían a meritoria segunda posición colleitada na primeira xornada o que lles permite disputar o último encontro da Fase de Ascenso.  Os homes que parten de octavos, sairán a competir e disfrutar sabedores de que un ano máis estarán na Primeira División. O Atletismo Femenino Celta, que parte como quinto clasificado, benefícialle o sistema de “atleta por proba” o que fai partir con certas posibilidades as olívicas nun encontro que será moi emocioante.
O Atletismo Narón desprazado ata Donostia cumpliría tamén no seu difícil encontró no que como se agardaba non puido pasar da cuarta posición a pesares da motivación e gañas amosadas polos seus compoñentes. Con esta puntuación pasan a ocupar o 13º lugar da clasificación xeral o que lles obliga a pelexar  no decisivo octogonal por estar de sextos en adiante. O Moratalaz a priori parece o conxunto máis feble, centrándose a loita entre Correr el Garbi e o Lleida cun potencial moi semellante ós naroneses
Por último o equipo feminino da Gimnástica baixaría un posto en relación ó seu primeiro encontro o que lle permitiría sumar un punto. O casilleiro das pontevedresas, con tres puntos, fan que encaren o último encontro con certas garantías xa que son catro equipos os que ten tras de si.  Sabadell e Tenerife serán os riváis a batir de maneira directa para evitar surpresas.

Noticias Web FGA .- Aprobados os puntos do día da Asemblea Extraordinaria da FGA

Noticias FGA

Aprobados os puntos do día da Asemblea Extraordinaria da FGA

Desenvolveriase no día de hoxe no salón de actos do Servizo Provincial de Deportes de A Coruña a Asemblea Extraordinaria á que asistiron os membros do citado estamento e na que se aprobaría tanto o calendario como o Regulamento Electoral da Federación Galega de Atletismo así como a elección dos membros da Xunta Electoral que pasará a estar formada por  Manuel Mora, Rocío López e Pablo Rodríguez
Con este acto da continúa o calendario electoral que dará como resultado a elección do futuro presidente da F.G.A.

Noticias Web FGA .- A FGA lanza a campaña "Fedérate con Nós"

Noticias FGA

A FGA lanza a campaña "Fedérate con Nós"

A Federación Galega de Atletismo ven de lanzar a campaña “Fedérate con Nós” cuxa finalidade e a de dar a coñecer ó amplo colectivo atlético popular e a toda a sociedade da importancia e das enormes vantaxes que conleva o estar en posesión dunha licenza atlética.
Segundo o Presidente da entidade Isidoro Hornillos “No que vai de tempada xa son máis de 7.200 o número de fichas tramitadas o que supón un número récord de altas na historia do noso deporte”  Malia elo Hornillos non se amosa conformista “Tentaremos chegar a todos os colectivos sensibles do noso deporte para explicar dunha maneira moi didáctica as vantaxes de estar federado, xa que precisamente un dos problemas que estamos a detectar é o seu descoñecemento”. 
O importante aforro de inscripcións nos campionatos galegos, ó acceso a un calendario con importantes e numerosas probas federadas e a ampla cobertura médica, son só algúns dos aspectos nos que pretende incidir esta campaña.

Noticias Web FGA .- A canteira do atletismo, protagonista en Lugo

Noticias FGA

A canteira do atletismo, protagonista en Lugo

Interés e emoción sen límites sería o que nos deixaría a disputa do Campionato de Galicia Sub10, Sub12 e Sub 14 por equipos que se desenvolverían nas pistas lucenses do Estadio Gragorio Pérez Rivera o pasado sábado.
Cunha pista ateigada de moitísmos participantes e sobre todo, cun gran ambiente de deportividade e festa, principiaría na xornada da mañá esta cita cos atletas Sub10. Esta competición contaba ademáis, co engadido de ter nas pistas a nada menos que a todo un campión olímpico comoFermín Cacho e un campión do mundo como Abel Antón  que de paso por Lugo, quixeron achegarse ata o Pérez Rivera para compartir cos máis novos uns intres de bo atletismo e de paso ver in situ as victorias dos clubes Atlética A Silva en homes e o C.A. Narón en mulleres.
Para os de Cerceda, este trunfo histórico representa todo un espaldarazo ó gran traballo de base que están a realizar na comarca e cuio esforzó comeza a dar resultados. Juan Loureiro gañador dos 50 m. e dos 1000 m. sería un dos atletas máis destacados do clube.  No caixón e acompañando ós gañadores, estarían o Ourense Atletismo  e ADAS Proinor.
Xa na categoría feminina sería o C.A. Narón o gañador  logo de sumar un total de 121 puntos nunha durísma loita co Vila de Cangas quen tería a mesma puntuación malia que as de Ferrolterra terían ó remate un mellor coeficiente de  postos. O terceiro lugar do podio correspondería para o Ourense Atletismo. Paula Mouzo nos 50 m., Noa Díaz nos 1.000 m e o relevo 4 x 50 serían quenes acadaran o trunfo parcial nas súas probas.
Xa na xornada da tarde sería a quenda para as demáis categorías con trunfos da Atlética Lucense e Vila de Cangas nos Sub12
Por parte das rapazas destacadas actuacións de Claudia Carcel nos 60 m. e Gema Dacosta en peso e pelota, así como tamén as do lucense Rubén Martelo gañador na marcha e dos integrantes do relevo 4 x 60
ADAS Proinor e Ourense Atletismo así como Agrupación Viguesa de Atletismo e Gimnástica de Pontevedra acompañarían os equipos gañadores no caixón de podio en homes e mulleres respectivamente.
Por último na categoría Sub14 o Ourense Atletismo en mulleres e Real Club Celta en homes serían os gañadores por equipos desta categoría con trunfos parciais para as de Ourense de Sabela Miguez nos 150 m., Anxela Seoane nos 500 m. así como de Lucas Rodríguez nos 80 m. e 150 m., e de Jacobo Briones en pértega. Compartirían postos de honra cas ourensanas RIA Ferrol e Lucus Caixa Rural Galega e cos vigueses os do Millaraio e do ADAS Proinor.

Noticias Web FGA .- Lugo e A Pobra centrarán o foco de atención

Noticias FGA

Lugo e A Pobra centrarán o foco de atención

Dous  importantes Campionatos de Galicia serán os que esta fin de semana acaparen a nosa atención.
Por unha banda as pistas lucenses do Estadio Gregorio Pérez Rivera serán o esciario escollido no sábado para o desenvolvemento do Campionato autonómico por equipos sub10, sub12 e sub 14tanto en categoría masculina como na feminina e como xa o fixera a fin de semana pasada as pistas do INEF Bastiagueiro cos Sub16 e Sub20. Ó igual que acontecera na parroquia oleirense, agárdase un importante número de participantes xa que nada menos que setenta e cinco equipos dun total de vinte clubes, moverán a máis de  mil cincocentos atletas polas pistas lucenses.
Como sempre especial atención ós clubes do Vila de Cangas quen no ano pasado gañaría as categorías Sub12 e Sub14 feminina acadando dous podios máis, Ourense Atletismo con catro así como Coruña Comarca e ADAS Proinor con dous cada un, tentarán reeditar a súa excelente actuación da tempada pasada.
De Lugo pasamos ó Concello da Pobra do Caramiñal onde o domingo acontecerá un non menos importante IV Campionato de Galicia de Trail xusto un día despóis de que a localidade Castellonense de Penyagolosa acolla o Campionato do Mundo da especialidade e que pon de manifesto a importancia que está a ter esta disciplina que mistura natureza, aventura, montaña e campo a través.
No que atinxe a participación de atletas destacados, cóntase ca presencia dos actuáis campións de Galicia Ana de la Fuente e Alberto Carou, ambos do C.Atletismo O Pino, quenes defenderán o seu título logrado o ano pasado no mesmo concello.

Noticias Web FGA .- As grandes citas comezan a aportar calidade ó calendario

Noticias FGA

As grandes citas comezan a aportar calidade ó calendario

Interesante fin de semana o que vai a deparar o calendario de probas tanto a nivel de Campionatos de España, de Galicia como de Reunións atléticas e nas que moitos atletas galegos estarán incursos tentando ir na procura dalgún rexistro interesante.
Para comezar, unha pequena representación de atletas galegas tomará parte na localidade do Baixo Llobregat de Gavà, no Campionato de España Master 10.000, Pentatlón, Lanzamentos e Combinadas para dar paso en pleno Sistema Ibérico de Peñagolosa da provincia de Castellón ó XII Campionato de España de Carreiras de Montaña – Trail Running Absoluto, Sub20, Máster
O Campionato de España de Clubs sub 20 nas súas distintas fases, non contará con ningunha entidade galega, máis si con presenza galega individual nalgún dos clubs que toman parte como é o caso de Raquel Meaños no Valencia At. ou de Adrián Antonio (At. Intec – Zoiti) por citar a algúns.
Pontevedra será de novo o sábado epicentro dese destacadísimo sector do noso deporte como é o dos lanzamentos ca disputa do  IX Torneo de Lanzamentos Pontevedra onde poderemos presenciar a participación dalgúns dos nosos máis importantes especialistas tomando parte nos concursos longos de martelo, xavelina e disco
A nivel de reunións atléticas, Ourense contará tamén o sábado ca celebración do seu Ourense Termal que se atopa incluída no calendario nacional e que como cada ano, achegará a provincia galega un importante número de atletas que nesta ocasión loitarán na procura dalgunhas das mínimas que den pasaporte ós europeos de Berlín.
As distintas probas dos XOGADE e as de ruta nas que salientamos a V Carreira Pedestre Popular Concello de Frades a III Volta ó Mazanteu (Cariño) o III Carreira Pedestre Concello de Mazaricos, a II Carreira Popular Praia de Miño, así como a Carreira Popular Xinzo de Limia 2018 completan esta interesante axenda da fin de semana.
Capítulo aparte merecen os VII Campionatos de Galicia Sub10 , Sub12, e Sub14 por equipos a desenvolver en Lugo e o Galego de Trail de A Pobra dos falaremos amplamente no día de mañán.

Noticias Web FGA .- Comezou a Liga con resultados dispares para os equipos galegos

Noticias FGA

Comezou a Liga con resultados dispares para os equipos galegos

A Liga nacional tanto da División de Honra como da Primeira división, daría comezo nesta fin de semana con resultados dispares para os nosos representantes
Na máxima categoría tanto RIA Ferrol en mulleres como Sociedad Gimnástica de Pontevedra en homes principiarían as súas fases ca mente posta en conservar a categoría nunha liga cada vez máis competitiva.
En canto a resultados o RIA non puido evitar ocupar a cuarta posición no seu complicado cadrangular que se desenvolvería en Zaragozana e que malia os varios trunfos parciais e as excelentes actuacións das galegas Paula Ferreiros 2ª nos 400 m. e Lucía Sicre 3ª nos 800 m. acabarían sumando un total de 130,5 p. sendo superadas por Playas de Castellon, Simply Scorpio-71 e Unicaja Atletismo. As departamentais ocupan a 13ª posición da xeral
A preto de 325 km. os homes da Gimnástica enfrontábanse en Getafe a un non menos complicado encontro cuxo obxectivo a priori estaba posto en evitar o último lugar. Para elo os pontevedreses batiríanse co Unicaja acadando a terceira posición con 15 puntos de diferenzan sobre os xienenses que lles achega ata a 12ª posición da clasificación xeral con 150 puntos. Por parte dos galegos destacarían Manuel Hurtado e Santi Ferrer  3º nos 3000 m. e na Pértega, así como as segundas posicións de Anxo Blanco e Victor en triplo e peso.
Xa na primeira división masculina e no encontro disputado en Vigo entre o Celta e o Narón os locais completarían un excelente cadrangular cedendo tan só ante o Atlético Salamanca. Os celestes lograrían  impoñerse en sete probas que os leva ata unha fantástica 6º posición da clasificación xeral cun total de 182 puntos e con moi boas sensacións para o seguinte encontro. O Narón como era de agardar no seu regreso, faría un moi serio encontro malia que tería que ceder ante uns riváis superiores. Con todo elo,  a súa puntuación de 138,5 danlle a 14ºposición
Os trunfos celestes corresponderían para Luis del Río nos 800 m, Gonzalo Basconcelo nos 1500 m. e nos obstáculos, El Mehdi El Nabaoui nos 3000 m., Miguel Cajaraville en pértega, Nacho Fernández en martelo, Jose Fernández na marcha, sendo as victorias por parte dos naroneses para David de la Fuente nos 400 m., Santiago Luis Coba en lonxitude e triple e Francisco Javier Michenel en xavelina,
Pola súa banda non menos interesante sería o encontro feminino disputado no CGTD  de Pontevedra ca presenza do equipo da Gimnástica como local e o A. Femenino Celta quenes compitirían xunto o CEAT Tenerife e o Piálagos que sería finalmente o gañador deste encontro. Por parte dos equipo galegos, as viguesas ocuparían unha formidable segunda posición que as leva ata o 5º lugar da xeral con 197,5 puntos e confirmando -ó igual que os homes- as súas serias opcións á loita polo ascenso á División de Honra. Pola súa banda as pontevedresas cumplirían o seu obxectivo de ser terceiras neste encontro diante das tiñerfeñas o que lles permite sumar 145 puntos e ocupar a 12ª posición da clasificación xeral.
Destacarían polo Celta os trunfos de Bea Viteri en pértega, Olaia Guisela en lonxitude, Marta Fernández nos 400 m.v., Alice Marie Genevieve nos 800 m. e nos 3000 Obst., Enma Valencia en 100 m.v. e da velocista Nedian Nori Vargas nos 100 e nos 200 m. Lucía Seijas en altura e  Andrea González en xavelina sumarían trunfos para as gimnásticas.

Noticias Web FGA .- Comeza a liga de clubs para os equipos galegos

Noticias FGA

Comeza a liga de clubs para os equipos galegos

Logo da disputa o pasado fin de semana do Campionato de Galicia de Clubs na que as distintas formacións porían a punto a súa maquinaria atlética, arrinca o verdadeiro test co comezo do Campionao de España da mesma modalidade tanto na División de Honra como na Primeira División.
Con aspiracións e metas distintas, seis equipos galegos tomarán parte nesta importante cita nacional na que a Sociedad Gimástica de Pontevedra (en Honra masculina e Primeira feminina), RÍA Ferrol – CCA, Real Club Celta, Atletismo Femenino Celta e Atletismo Narón serán os nosos representantes.
Na División de Honra un ano máis teremos o RÍA Ferrol – CCA nas mulleres e Sociedad Gimnástica de Pontevedra nos homes cuxas aspiracións a priori, deben partir por apuntalar a súa permanencia un ano máis na máxima categoría. Neste primeiro encontro moi complicado para os pontevedreses, terán que desprazarse ata Madrid para enfrontarse ós locais do Moratalaz, e que xunto o Fent Cami Mislata e o Unicaja integran este primeiro grupo que xa superarían ós galegos na clasificación xeral ligueira do ano pasado.
Pola súa banda as ferrolanas compitirán en Zaragoza nun encontro igual de complicado onde se medirán a tres potentes equipos, dous dos cales tomarían parte na fase de loita polo título de liga, o Playas de Castellón (que remataría terceiro) e o Simply – Scorpio 71 (sétimo clasificado). O obxectivo pasa por intentar vencer ó Unicaja e acadar dous puntos neste primeiro encontro.
Xa na Primeira División masculina, Balaídos será sede dun cuadrangular no que o Real Club Celta enfrontarase ó Atlético Salamanca, o Perciana – Extremadura e o Club de Atletismo Narón que volta a primeira división. A priori os salmantinos descendidos de honra o ano pasado e os extremeños que disputarían a fase de ascenso, parten como favoritos máis os vigueses terán moito que decir logo da inxección de moral de ter acadado o título autonómico. Pola súa banda o Narón loitará pola suma dalgún punto que lle permita evitar a última praza neste duro encontro para os “azulóns”.
Na categoría feminina outro duelo será o que manteñan os equipos galegos da S.G.Pontevedra e doA.F Celta que xunto ó Piélagos e o CEA Tenerife medirán as súas forzas nas pistas do CGTD de Pontevedra. O Piélagos, recén descendido na División de Honra, parte como favorito sendo os tinerfeños, a priori, os riváis máis accesibles para que tanto Celta como Gimnástica sumen puntos.

Páginas

Suscribirse a RSS - Noticias FGA