Noticias FGA

Noticias Web FGA .- A FGA lanza a campaña "Fedérate con Nós"

Noticias FGA

A FGA lanza a campaña "Fedérate con Nós"

A Federación Galega de Atletismo ven de lanzar a campaña “Fedérate con Nós” cuxa finalidade e a de dar a coñecer ó amplo colectivo atlético popular e a toda a sociedade da importancia e das enormes vantaxes que conleva o estar en posesión dunha licenza atlética.
Segundo o Presidente da entidade Isidoro Hornillos “No que vai de tempada xa son máis de 7.200 o número de fichas tramitadas o que supón un número récord de altas na historia do noso deporte”  Malia elo Hornillos non se amosa conformista “Tentaremos chegar a todos os colectivos sensibles do noso deporte para explicar dunha maneira moi didáctica as vantaxes de estar federado, xa que precisamente un dos problemas que estamos a detectar é o seu descoñecemento”. 
O importante aforro de inscripcións nos campionatos galegos, ó acceso a un calendario con importantes e numerosas probas federadas e a ampla cobertura médica, son só algúns dos aspectos nos que pretende incidir esta campaña.

Noticias Web FGA .- A canteira do atletismo, protagonista en Lugo

Noticias FGA

A canteira do atletismo, protagonista en Lugo

Interés e emoción sen límites sería o que nos deixaría a disputa do Campionato de Galicia Sub10, Sub12 e Sub 14 por equipos que se desenvolverían nas pistas lucenses do Estadio Gragorio Pérez Rivera o pasado sábado.
Cunha pista ateigada de moitísmos participantes e sobre todo, cun gran ambiente de deportividade e festa, principiaría na xornada da mañá esta cita cos atletas Sub10. Esta competición contaba ademáis, co engadido de ter nas pistas a nada menos que a todo un campión olímpico comoFermín Cacho e un campión do mundo como Abel Antón  que de paso por Lugo, quixeron achegarse ata o Pérez Rivera para compartir cos máis novos uns intres de bo atletismo e de paso ver in situ as victorias dos clubes Atlética A Silva en homes e o C.A. Narón en mulleres.
Para os de Cerceda, este trunfo histórico representa todo un espaldarazo ó gran traballo de base que están a realizar na comarca e cuio esforzó comeza a dar resultados. Juan Loureiro gañador dos 50 m. e dos 1000 m. sería un dos atletas máis destacados do clube.  No caixón e acompañando ós gañadores, estarían o Ourense Atletismo  e ADAS Proinor.
Xa na categoría feminina sería o C.A. Narón o gañador  logo de sumar un total de 121 puntos nunha durísma loita co Vila de Cangas quen tería a mesma puntuación malia que as de Ferrolterra terían ó remate un mellor coeficiente de  postos. O terceiro lugar do podio correspondería para o Ourense Atletismo. Paula Mouzo nos 50 m., Noa Díaz nos 1.000 m e o relevo 4 x 50 serían quenes acadaran o trunfo parcial nas súas probas.
Xa na xornada da tarde sería a quenda para as demáis categorías con trunfos da Atlética Lucense e Vila de Cangas nos Sub12
Por parte das rapazas destacadas actuacións de Claudia Carcel nos 60 m. e Gema Dacosta en peso e pelota, así como tamén as do lucense Rubén Martelo gañador na marcha e dos integrantes do relevo 4 x 60
ADAS Proinor e Ourense Atletismo así como Agrupación Viguesa de Atletismo e Gimnástica de Pontevedra acompañarían os equipos gañadores no caixón de podio en homes e mulleres respectivamente.
Por último na categoría Sub14 o Ourense Atletismo en mulleres e Real Club Celta en homes serían os gañadores por equipos desta categoría con trunfos parciais para as de Ourense de Sabela Miguez nos 150 m., Anxela Seoane nos 500 m. así como de Lucas Rodríguez nos 80 m. e 150 m., e de Jacobo Briones en pértega. Compartirían postos de honra cas ourensanas RIA Ferrol e Lucus Caixa Rural Galega e cos vigueses os do Millaraio e do ADAS Proinor.

Noticias Web FGA .- Lugo e A Pobra centrarán o foco de atención

Noticias FGA

Lugo e A Pobra centrarán o foco de atención

Dous  importantes Campionatos de Galicia serán os que esta fin de semana acaparen a nosa atención.
Por unha banda as pistas lucenses do Estadio Gregorio Pérez Rivera serán o esciario escollido no sábado para o desenvolvemento do Campionato autonómico por equipos sub10, sub12 e sub 14tanto en categoría masculina como na feminina e como xa o fixera a fin de semana pasada as pistas do INEF Bastiagueiro cos Sub16 e Sub20. Ó igual que acontecera na parroquia oleirense, agárdase un importante número de participantes xa que nada menos que setenta e cinco equipos dun total de vinte clubes, moverán a máis de  mil cincocentos atletas polas pistas lucenses.
Como sempre especial atención ós clubes do Vila de Cangas quen no ano pasado gañaría as categorías Sub12 e Sub14 feminina acadando dous podios máis, Ourense Atletismo con catro así como Coruña Comarca e ADAS Proinor con dous cada un, tentarán reeditar a súa excelente actuación da tempada pasada.
De Lugo pasamos ó Concello da Pobra do Caramiñal onde o domingo acontecerá un non menos importante IV Campionato de Galicia de Trail xusto un día despóis de que a localidade Castellonense de Penyagolosa acolla o Campionato do Mundo da especialidade e que pon de manifesto a importancia que está a ter esta disciplina que mistura natureza, aventura, montaña e campo a través.
No que atinxe a participación de atletas destacados, cóntase ca presencia dos actuáis campións de Galicia Ana de la Fuente e Alberto Carou, ambos do C.Atletismo O Pino, quenes defenderán o seu título logrado o ano pasado no mesmo concello.

Noticias Web FGA .- As grandes citas comezan a aportar calidade ó calendario

Noticias FGA

As grandes citas comezan a aportar calidade ó calendario

Interesante fin de semana o que vai a deparar o calendario de probas tanto a nivel de Campionatos de España, de Galicia como de Reunións atléticas e nas que moitos atletas galegos estarán incursos tentando ir na procura dalgún rexistro interesante.
Para comezar, unha pequena representación de atletas galegas tomará parte na localidade do Baixo Llobregat de Gavà, no Campionato de España Master 10.000, Pentatlón, Lanzamentos e Combinadas para dar paso en pleno Sistema Ibérico de Peñagolosa da provincia de Castellón ó XII Campionato de España de Carreiras de Montaña – Trail Running Absoluto, Sub20, Máster
O Campionato de España de Clubs sub 20 nas súas distintas fases, non contará con ningunha entidade galega, máis si con presenza galega individual nalgún dos clubs que toman parte como é o caso de Raquel Meaños no Valencia At. ou de Adrián Antonio (At. Intec – Zoiti) por citar a algúns.
Pontevedra será de novo o sábado epicentro dese destacadísimo sector do noso deporte como é o dos lanzamentos ca disputa do  IX Torneo de Lanzamentos Pontevedra onde poderemos presenciar a participación dalgúns dos nosos máis importantes especialistas tomando parte nos concursos longos de martelo, xavelina e disco
A nivel de reunións atléticas, Ourense contará tamén o sábado ca celebración do seu Ourense Termal que se atopa incluída no calendario nacional e que como cada ano, achegará a provincia galega un importante número de atletas que nesta ocasión loitarán na procura dalgunhas das mínimas que den pasaporte ós europeos de Berlín.
As distintas probas dos XOGADE e as de ruta nas que salientamos a V Carreira Pedestre Popular Concello de Frades a III Volta ó Mazanteu (Cariño) o III Carreira Pedestre Concello de Mazaricos, a II Carreira Popular Praia de Miño, así como a Carreira Popular Xinzo de Limia 2018 completan esta interesante axenda da fin de semana.
Capítulo aparte merecen os VII Campionatos de Galicia Sub10 , Sub12, e Sub14 por equipos a desenvolver en Lugo e o Galego de Trail de A Pobra dos falaremos amplamente no día de mañán.

Noticias Web FGA .- Comezou a Liga con resultados dispares para os equipos galegos

Noticias FGA

Comezou a Liga con resultados dispares para os equipos galegos

A Liga nacional tanto da División de Honra como da Primeira división, daría comezo nesta fin de semana con resultados dispares para os nosos representantes
Na máxima categoría tanto RIA Ferrol en mulleres como Sociedad Gimnástica de Pontevedra en homes principiarían as súas fases ca mente posta en conservar a categoría nunha liga cada vez máis competitiva.
En canto a resultados o RIA non puido evitar ocupar a cuarta posición no seu complicado cadrangular que se desenvolvería en Zaragozana e que malia os varios trunfos parciais e as excelentes actuacións das galegas Paula Ferreiros 2ª nos 400 m. e Lucía Sicre 3ª nos 800 m. acabarían sumando un total de 130,5 p. sendo superadas por Playas de Castellon, Simply Scorpio-71 e Unicaja Atletismo. As departamentais ocupan a 13ª posición da xeral
A preto de 325 km. os homes da Gimnástica enfrontábanse en Getafe a un non menos complicado encontro cuxo obxectivo a priori estaba posto en evitar o último lugar. Para elo os pontevedreses batiríanse co Unicaja acadando a terceira posición con 15 puntos de diferenzan sobre os xienenses que lles achega ata a 12ª posición da clasificación xeral con 150 puntos. Por parte dos galegos destacarían Manuel Hurtado e Santi Ferrer  3º nos 3000 m. e na Pértega, así como as segundas posicións de Anxo Blanco e Victor en triplo e peso.
Xa na primeira división masculina e no encontro disputado en Vigo entre o Celta e o Narón os locais completarían un excelente cadrangular cedendo tan só ante o Atlético Salamanca. Os celestes lograrían  impoñerse en sete probas que os leva ata unha fantástica 6º posición da clasificación xeral cun total de 182 puntos e con moi boas sensacións para o seguinte encontro. O Narón como era de agardar no seu regreso, faría un moi serio encontro malia que tería que ceder ante uns riváis superiores. Con todo elo,  a súa puntuación de 138,5 danlle a 14ºposición
Os trunfos celestes corresponderían para Luis del Río nos 800 m, Gonzalo Basconcelo nos 1500 m. e nos obstáculos, El Mehdi El Nabaoui nos 3000 m., Miguel Cajaraville en pértega, Nacho Fernández en martelo, Jose Fernández na marcha, sendo as victorias por parte dos naroneses para David de la Fuente nos 400 m., Santiago Luis Coba en lonxitude e triple e Francisco Javier Michenel en xavelina,
Pola súa banda non menos interesante sería o encontro feminino disputado no CGTD  de Pontevedra ca presenza do equipo da Gimnástica como local e o A. Femenino Celta quenes compitirían xunto o CEAT Tenerife e o Piálagos que sería finalmente o gañador deste encontro. Por parte dos equipo galegos, as viguesas ocuparían unha formidable segunda posición que as leva ata o 5º lugar da xeral con 197,5 puntos e confirmando -ó igual que os homes- as súas serias opcións á loita polo ascenso á División de Honra. Pola súa banda as pontevedresas cumplirían o seu obxectivo de ser terceiras neste encontro diante das tiñerfeñas o que lles permite sumar 145 puntos e ocupar a 12ª posición da clasificación xeral.
Destacarían polo Celta os trunfos de Bea Viteri en pértega, Olaia Guisela en lonxitude, Marta Fernández nos 400 m.v., Alice Marie Genevieve nos 800 m. e nos 3000 Obst., Enma Valencia en 100 m.v. e da velocista Nedian Nori Vargas nos 100 e nos 200 m. Lucía Seijas en altura e  Andrea González en xavelina sumarían trunfos para as gimnásticas.

Noticias Web FGA .- Comeza a liga de clubs para os equipos galegos

Noticias FGA

Comeza a liga de clubs para os equipos galegos

Logo da disputa o pasado fin de semana do Campionato de Galicia de Clubs na que as distintas formacións porían a punto a súa maquinaria atlética, arrinca o verdadeiro test co comezo do Campionao de España da mesma modalidade tanto na División de Honra como na Primeira División.
Con aspiracións e metas distintas, seis equipos galegos tomarán parte nesta importante cita nacional na que a Sociedad Gimástica de Pontevedra (en Honra masculina e Primeira feminina), RÍA Ferrol – CCA, Real Club Celta, Atletismo Femenino Celta e Atletismo Narón serán os nosos representantes.
Na División de Honra un ano máis teremos o RÍA Ferrol – CCA nas mulleres e Sociedad Gimnástica de Pontevedra nos homes cuxas aspiracións a priori, deben partir por apuntalar a súa permanencia un ano máis na máxima categoría. Neste primeiro encontro moi complicado para os pontevedreses, terán que desprazarse ata Madrid para enfrontarse ós locais do Moratalaz, e que xunto o Fent Cami Mislata e o Unicaja integran este primeiro grupo que xa superarían ós galegos na clasificación xeral ligueira do ano pasado.
Pola súa banda as ferrolanas compitirán en Zaragoza nun encontro igual de complicado onde se medirán a tres potentes equipos, dous dos cales tomarían parte na fase de loita polo título de liga, o Playas de Castellón (que remataría terceiro) e o Simply – Scorpio 71 (sétimo clasificado). O obxectivo pasa por intentar vencer ó Unicaja e acadar dous puntos neste primeiro encontro.
Xa na Primeira División masculina, Balaídos será sede dun cuadrangular no que o Real Club Celta enfrontarase ó Atlético Salamanca, o Perciana – Extremadura e o Club de Atletismo Narón que volta a primeira división. A priori os salmantinos descendidos de honra o ano pasado e os extremeños que disputarían a fase de ascenso, parten como favoritos máis os vigueses terán moito que decir logo da inxección de moral de ter acadado o título autonómico. Pola súa banda o Narón loitará pola suma dalgún punto que lle permita evitar a última praza neste duro encontro para os “azulóns”.
Na categoría feminina outro duelo será o que manteñan os equipos galegos da S.G.Pontevedra e doA.F Celta que xunto ó Piélagos e o CEA Tenerife medirán as súas forzas nas pistas do CGTD de Pontevedra. O Piélagos, recén descendido na División de Honra, parte como favorito sendo os tinerfeños, a priori, os riváis máis accesibles para que tanto Celta como Gimnástica sumen puntos.

Noticias Web FGA .- Reestruturación interna das funcións do equipo da F.G.A.

Noticias FGA

Reestruturación interna das funcións do equipo da F.G.A.

O presidente da FGA, Isidoro Hornillos, nomeu a Carlos Castro Secretario Xeral da FGA, cargo que ostentaba Dolores Rojas, que asumirá dende hoxe a Dirección da Xerencia. Estos trocos propiciarán unha reestructuración das funcións do persoal federativo.
Carlos Castro, atleta especialista nos 400 metros (47.92), licenciado en Educación Física (Universidade da Coruña) e Diplomado en Maxisterio na mesma especialidade (Universidade Europea de Madrid), deixa o cargo que ocupaba durante os últimos anos na Dirección do Departamento de Carreiras Galegas en Ruta, baixo cuxo periodo produciríase un notable medre do volume de probas federadas.
Dolores Rojas, licenciada en Psicoloxía (Universidade de A Coruña), Máster en Dirección e Xestión de Entidades Deportivas (Universidade de Vigo), posúe unha ampla experiencia na xestión federativa, tendo asumido a presidencia do Comité Galego de Xuíces e a Secretaría Xeral da FGA. Ex atleta, tamén de velocidade, forma parte na actualidade do Panel de Marcha da Asociación Internacional de Federacións de Atletismo (IAAF). Entre as súas actuacións como xuíz, salienta a participación en diversos Xogos Olímpicos, Mundiais e Campionatos de Europa, sendo unha das máximas responsables da organización do G.P. Internacional Cantones de Marcha Atlética de A Coruña.
O presidente da FGA agradece o esforzo feito por parte de Dolores Rojas e Carlos Castro, nas súas anteriores competencias, desexándolles éxitos nas novas funcións.

Noticias Web FGA .- Destaco papel dos universitarios galegos no seu nacional

Noticias FGA

Destaco papel dos universitarios galegos no seu nacional

Andujar daría collida esta fin de semana o Campionao de España Universitario, cita a que acudiron un bo número de atletas galegos en representación de varias universidades.
A nivel xeral colleitarían un total de setemedallas nas que destacan os títulos de Okutu e Leticia Gil en Lonxitude con 7.56 m. e 5.82 m. así como a de Frank Casañas en Disco con 55.13 m.
Por Universidades e actuacións, os resultados quedaron así:
Universidade de Vigo
  • Jean Marie Okutu, campión de España Universitario en lonxitude con 7.56 m.
  • Leticia Fernández, medalla de prata nos 1500 m. con 4:24.04
  • Sergio Paredes, 4º no martelo con 52.51 m.
  • Miguel Cajaraville,  4º en pértega con 4.50 m.
  • Marta Fernández,  7ª nos 400 valados con 1:05.11
  • David Abalde (3º/1ªsemf.) dos 400 m. con 49.60
Universidade da Coruña
  • Antía Martínez, medalla de prata nos 100 m.v. con 15.10
  • Anxo Blanco, 4º en triple con 14.93
  • Javi Cancela, 7º nos 100 m. con 11.02
  • Paula Iglesias, 8ª nos 400 m. con 58.10
Universidade de Santiago
  • Fernando Vales medalla de bronce nos 800 m. con 1:51.46
  • Javi García, 6º con 10.97 en 100 m. e 8º nos 200 m. con 22.58
  • Xiana González, 6ª nos 200 m. con 26.70
  • Iago Núñez, 7º nos 110 m.v. con 15.27
  • Miriam Otero, 8ª nos 200 m. con 27.18
  • Alexander Barreiro, 9º en Triple con 14.20 m.
  • Luis del Rio (6º/1ª smf) dos 800 m. con 1:54.14
  • Santiago Rozas (4º/2ª Smf.) dos 110 m.v. con 15.89
Outras universidades con presencia galega
  • Leticia Gil Pérez (Complutense de Madrid), Campiona de España en lonxitude con 5.82 m.
  • Frank Yennifer Casañas (U. Católica de San Antonio) Campión de España en disco con 55.13 m.
  • Carlos Revuelta (UNED), medalla de bronce en martelo con 61.28 m.
  • Marcos Cintrón (UNED), 5º en 10.000 marcha con 47:41.16

 

Noticias Web FGA .- Cor celeste no Campionato Galego de Clubs

Noticias FGA

Cor celeste no Campionato Galego de Clubs

Balaídos vibraría esta fin de semana ca disputa do XX Campionato de Galicia de Clubs que xuntaría ós mellores equipos galegos na procura do primeiro título importante por clubs do aire libre nun campionato de dez no organizativo e no deportivo.
Tanto o RÍA Ferrol como a Sociedad Gimnástica de Pontevedra, que defendían o título acadado o ano pasado nas pistas ferrolanas da Malata, veríanse superados por un Celta moi motivado neste primeiro ensaio xeral de cara a ese inminente comezo do Campionato Nacional de Clubs que dará comezo a vindeira fin de semana.
As dez e trinta minutos comezaba esta vixésima edición na que por sectores, o Club Atletismo Santiago amosaba as súas intencións grazas o triunfo de Javi Cancela nos 100 m. que sería contestado polos primeiros postos tanto de Adrían López do A. Narón dos 200 m. como de Pedro Juncal do Real Club Celta nos 400 m.
No medio fondo e fondo reparto de puntos entre os dous aspirantes con victorias para Carlos Porto da Gimnástica nos 1.500 m. e de Gonzalo Basconcelo do Celta nos 3.000 m. Elían Nuna pola súa banda, lograría un dos dous triunfos individuais para o Narón impoñéndose  nos 800 m. e correspondendo o outra victoria para unha das agradables sorpresas da tempada, Demba Sanyang nos 400 m.v.
Nos 110 valados Miguel Pérez do LUCUS Caixa Rural domiñaría a proba na que partía como favorito ó igual que Alejo Ares do ADAS nos obstáculos.
Nos sector dos concursos de lanzamentos, incontestable hexemonía pontevedresa grazas ás victorias de Manuel Vila en xavelina, Francisco Javier Guzmán en disco e Víctor Gallego en peso. Tan só o celeste Nacho Rodríguez sería quen de impoñerse no concurso de martelo. Máis repartido estaría os saltos con triunfos da Gimnástica de David e Santi Ferrer na lonxitude e pértega. Alberto Elena do Celta en triplo, e Xavier Esteban do LUCUS en altura imporíanse no resto de probas deste sector. Xa nos relevos dominio da Gimnástica e do A.Naron no curto e longo.
Na marcha, os santigueses acadarían a súa segunda victoria grazas a Roberto Vieiro quen sumaría uns moi bos nove puntos que xunto ó resto de actuacións, faría que os santiagueses acadaran un podio histórico nestos campionatos cun total de 115 puntos. No máis alto de ese podio, un ano máis, estarían os atletas do Real Club Celta cunha puntuación total de 137,5 p. rebasando ós da Gimnástica (segundos) por seis puntos e medio.
O Ría cedería ante o ímpetu das locais
Si en homes o triunfo sería moi laborioso non menos o sería na categoría feminina na que as celestes sumarían o seu terceiro título por clubs desbancando da segunda posición do “ránking” ás compostelanas do CUA de Santiago quenes con tres (o último acadado no ano 2002) lideraban o segundo lugar.
Nesta categoría os triunfos estarían máis concentrados entre as dúas aspirantes ó título. Así a velocidade contaría ca importante aportación da celeste Nediam Vargas que gañaría os 100 m.l.  contribuindo ó triunfo do relevo curto cun excepcioal rexistro de 47.57. Xunto a venezolana, importante victoria de Andrea Pais tamén nos 400 m.l. sendo Paula Ferreiros pola súa contra do RÍA, a gañadora nos 200 m.
No medio fondo e fondo reparto de primeiros postos con Lucía Sicre do RÍA dominando claramente nos 800 m., ó igual que farían Sandra Mosquera do ADAS nos 1500 m. e Celia Pérez do A.F. Celta nos 3000 m.
A local Enma Valencia daría uns puntos valiosísimos para as aspiracións do seu club na proba dos 100 m.v., contestando de contado o RÍA co triunfo de Lía Caride nos 400 valados. Alice Marie Genevieve nos 3000 m. Obstáculos, Iria Rivas en Marcha, Olaia Guisela Becerril na lonxitude, Eva Quimaño en altura,  Bea Viteri en pértega, e a victoria no 4×400 serían argumentos moi contundentes para apuntalar a victoria celeste con 152 puntos totais. Capítulo aparte merece Irene Gómez quen lograría un magnífico rexistro de 53.18 m. en martelo que serviríalle para estrear victoria nesta competición a nivel individual e para acadar o récord galego sub-18, sub-20 e sub- 23 do concurso.
Por parte do Ría pouco poideron facer os triunfos tanto de Tania Valverde en triplo como a das ovetenses Gloria García e Aldara Alvárez en peso e disco para contrastar o dominio local,  que acabaría relegándoas ó subcampionato nesta edición cunha puntuación total de 141,5 p. O terceiro lugar sería para a Gimnástica con 114,5 p. e co único triunfo individual de Andrea González na xavelina
Logo das últimas probas a ledicia, os cánticos e as celebracións na ría de obstáculos marcarían o remate dunha xornada moi intensa, na que competitiviade, deportividade e compañeirismo serían a tónica dominante do campionato.

Noticias Web FGA .- Vinte anos de emocións e bo atletismo

Noticias FGA

Vinte anos de emocións e bo atletismo

Todo deu comezo fai vinte anos cando un 18 de abril do ano 1999 os mellores clubs galegos de por aquel entón, tomaban parte nas pistas Universitarias de Santiago na primeira edición do Campionato de Galicia de Equipos que daría como gañador na categoría masculina ó club anfitrión, o C.U.A. de Santiago e na feminina o Real Club Celta.
Por aquel entón un xa prometedor e internacional ese mesmo ano en Riga David Gómez con apenas 18 anos, comezaba a forxar ó seu impresioante palmarés olímpico no seu club de sempre, o Celta de Vigo. Xunto el, Carlos Adán (NB-RCC), Carlos de la Peña (CDU), Martín Brea (CDU) ou Laura Ferreiro (RIA Ferrol)  todos eles internacionais, botaban a andar esta primeira edición que co paso dos anos non faría outra cousa que gañar en prestixio, espectacularidade e emoción en cada unha das súas edicións.
Durante estes catro lustros, o RÍA Ferrol sería a formación que lideraría o atletismo galego feminino grazas ó seu traballo teimoso e constante que lle levaría a estar na máxima categoría da Liga Nacional e a acadar nada menos que doce triunfos neste campionato autonómico. Xunto as departamentais o CUA de Santiago (hoxe en día C.D. Universitario), Real Club Celta (hoxe A.F. Celta) e Ourense Atletismo Academia Postal (hoxe Ourense Atletismo) son os conxuntos que poden presumir de contar con algúns títulos nas súas vitrinas.
Si esto acontece na categoría feminina, na masculina é o Celta de Vigo quen con sete campionatos lidera o ránking de victorias  superando a unha Gimnástica de Pontevedra con catro. Dase a paradoxa de que nalgunhas edicións o Celta, malia estar militando na Primeira División, superaba ós pontevedreses instalados na máxima categoría nacional da División de Honra, o que fala da emoción e da incertidume deste encontro na que a home por proba, nada está decidido ata o remate da mesma. Ademáis dos equipos pontevedreses tamén acadarían títulos o Ourense Atletismo Academia Postal, e o CUA de Santiago.
Compre mencionar da mesma maneira ás formacións do ADAS Proinor, Atletismo Narón, LUCUS Caixa Rural Galega, Liceo Casino de Vilagarcía, Atletismo Vila de Cangas, ou Pabellon Súbita de Ourense, (algúns deles xa desaperecidos) como outras dos equipos que nalgunha ocasión subirían ó podio.
En canto ás sedes, Ferrol sería quen acollera en máis ocasións esta cita con cinco celebracións (2004, 2008, 2013, 2015, 2017) seguida de Santiago con catro, Lugo, Ourense e Vigo con tres, e O Barco de Valdeorras con unha.

Páginas

Suscribirse a RSS - Noticias FGA