Noticias FGA

Noticias Web FGA .- Ourense vibrou cun fantástico campionato

Noticias FGA

Ourense vibrou cun fantástico campionato

Remataría no día de hoxe a edición número trixésimo cuarta correspondente ó Campionato de Galicia de Pista Cuberta na que os bos rexistros e a emoción estarían presentes ó longo das dúas xornadas desta importante cita autonómica que pecharía con catro novos récords autonómicos (un igualado)
Por sectores e comezando ca velocidade, Javi García imporíase nunha emocionantísima final dos 60 m. a Javi Cancela por tan só unha centésima, marcando o atleta do Lugo RC Ramos Loures 7.00 polos 7.01 do santiagués. Na categoría feminina “explosión” da santiaguesa do Fontes do Sar Sub18Nerea Iglesias quen tomaba parte tanto nos 60 m. como nos 200 m. Nestas distancias non só imporía o seu dominio, que fan dela a líder da velocidade curta galega, si non que ademáis a marca acreditada nos 200 m. de 25.48 representa un novo récord galego Sub18, igualando de igual modo o seu propio tope autonómico dos 60 m.l. con 7.79 acadado a semana pasada nesta mesma instalación o que a convirten na clara protagonista destos campionatos.
O coruñés do Playas de Castellón, Mauro Triana competindo pola rúa exterior, establecería un formidable rexistro de 21.48 sobre os 200 m. que o deixarían as portas do récord galego que él mesmo ten de 21.45, e que o convirten no líder claro do ranking nacional da proba así como un dos serios aspirantes ó título nacional absoluto do vindeiro día 16 e 17 de febreiro en Antequera.
De novo Paula Iglesias do Riazor Coruña protagonizaría unha das sorpresas do campionato ó establecer na proba dos 400 m. un novo récord galego Sub23 cun rexistro de 55.11 que melloran en 24 centésimas o récord que ela mesma tiña dende o ano pasado, e que confirman á atleta coruñesa como unha das grandes especialistas nacionais da especialidade ó situala de segunda no ranking nacional da súa categoría.
Nos homes Sergio Teixeira do Coruña Comarca lograría o seu primeiro título autonómico na distancia dos 400 m. cuns moi interesantes 49.22 (MMP) sendo segundo David Abalde que tamén baixaría da barreira dos “cincuenta” con 49.65.
Os valados tiveron acento lucense como ven sendo habitual nos últimos tempos. Miguel Pérez do Lucus Caixa Rural proclamaríase campión galego con 8.24 (MMT) mellorando os 8.34 que tiña dende fináis de decembro, correspondendo o título feminino para Uxía Pereira da Atlética Lucense que baixaría dos nove segundos con 8.92
Continuando co medio fondo, a mundialista Solange Pereira que viña de competir o día anterior en Valencia acadando a mínina europea para Glasgow na proba dos 1.500 con 4:10.39, non quixo perder a cita autonómica tomando a saída sobre os 800 m. que remataría cun rexistro de 2:06.95, ocupando o segundo lugar a tamén internacional Sub20 Lucía Sicre do Ría Ferrol quen cun excelente crono de 2:15.07 sitúase nos primeiros lugares do ranking nacional na súa categoría. En homes, salientable a actuación do Sub20 Elian Numa López do Coruña Comarca, quen entraría en meta cun importante rexistro de 1:53.25 (MMP) que de igual modo,  colócano nos postos altos do ranking nacional da súa categoría
Na proba raiña do medio fondo, os 1.500 m., Alejo Ares do ADAS Proinor en excelente estado de forma, lograría o triunfo cun rexistro de 3:57.30 polos 4:02.57 dun dos a priori favoritos, Gonzalo Basconcelo. Nas mulleres emoción e calidade de Alice Marie Genevieve do A.F.Celta na procura da súa selección con Francia para tomar parte nos europeos de Glasgow . O seu rexistro de 4:17.45 si ben é mínima, non lle permite a súa presencia. No tocante a actuación das galega, o novo valor emerxente da distancia, a gimnástica Sub18 Paula de la Torre imporíase cun bo rexistro de 4:50.10 ocupando a segunda posición Sandra Mosquera a tres segundos da campioa.
Na carreira de fondo dos 3.000 m. púdose presenciar a veteranía e calidade de Manuel Hurtado,quen “debutaría” ós seus 35 anos nun galego indoor, sumando un título máis no seu palmarés con 8:21.39 e igualando a súa MMP. Nesta mesma distancia o atleta Sub18 El Mehdi El Nabaoui do C.D. San Paio A Estrada deixaría unhas excelentes sensacións, acadando o terceiro lugar no absoluto ó establecer un rexistro de 8:29.24 que o colocan de maneira moi destacada ó fronte do ranking nacional da súa categoría.
Uxía Pérez Bugarín protagonizaría unha interesantísima e emocionante carreira nos 3.000 m. que lle darían a medalla de ouro con 10:03.26 por diante de Laura Santos do Lucus de a tamén lucense Sub14 Xela Martínez quen establecería un formidable rexistro de 10:14.10
Xa nos concursos e comezando cos saltos, a pértega masculina tería un claro dominador enMiguel Cajaraville do R.C. Celta impoñéndose con 4.61 m. a un Santi Ferrer que chegaría ata os 4.51 m. sendo en mulleres Bea Viteri quen cumpliría os pronóticos ó rebasar o listón a 3.61 m. Na altura os protagonistas serían os atletas de combinadas Lucía Seijas da E.A. Lucense e o internacional do Celta Adolfo Sáinz Maza os dominadores  logo de impoñerse con 1.62 m. e 1.91 m. respectivamente.
Un dos principais focos de atención estaría no corredor de lonxitude onde tomaría parte o olímpicoJean Marie Okutu quen chegaría ata os 7.59 m. mellorando a súa MMT de 7.34 m. o que lle permite liderar o ranking nacional absoluto. Neste mesmo concurso, pero na categoría feminina, a Sub20 internacional do A.F. Celta  Olaia Guisela Becerril, marcharía ata os 5.80 m. do seu quinto salto, mellorando en 40 cm. a súa MMT e escalando postos ata o terceiro lugar do ranking nacional da súa categoría.
O concurso de triplo tería de novo a Sub16 Alba Cuns do Atletismo Negreira, a súa principal protagonista xa que ademáis de acadar o título galego absoluto con 11.72 m. lograría un novo récord galego da súa categoría ó mellorar os 11.69 m. que ela mesma tiña dende o pasado 12 de xaneiro e que confirman a esta talentosa saltadora, como unha das “revelacións” da tempada. Nos homes, Anxo Blanco da Gimnástica tería que agardar ata o seu último salto para mellorar por seis centímetros os 14.69 m. do segundo intento de Alberto Elena do Celta, quen non completaría por problemas físicos o seu concurso de triplo.
Para rematar, o lanzamento de peso daría un novo título a Víctor Gallego da Gimnástica, que segue a incrementar a súa lenda que o confirman como o atleta galego con máis títulos autonómicos da historia. Desta vez gañaría con 16.31 m. do seu último lanzamanto. Xa en mulleres, victoria paraRaquel Villa do A.F. Celta quen acreditaría 11.32 m. polos 11.22 m. da xavelinista internacional da Gimnástica Andrea González.

Noticias Web FGA .- Trinta anos de marcha nos campionatos de Galicia

Noticias FGA

Trinta anos de marcha nos campionatos de Galicia

Preto de 160 marchadoras e marchadores tomarán a saída o sábado día 19 a partir das 16:45 horas no Campionato de Galicia de Marcha en Ruta que se desenvolverá polas rúas do Concello de A Probra do Caramiñal, e que se disputará conxuntamente co I Trofeo de Barbanza de atletismo en ruta. Con esta edición cúmprense trinta anos de marcha nos campionatos galegos no que ven representando un importante e destacadísimo sector do noso atletismo.
A nivel de inscritos, contarase cá actuación da atleta internacional Antía Chamosa do C.A. Valladolid quen tomará parte na proba dos 10 km. xunto a súa compañeira de equipo Leyre Aramburu. Xunto elas, destacada presenza de Mar Chillón do A.F. Celta, e das dúas marchadoras do Ría Ferrol, Iria Iglesias e Samantha Mulloni.
Na categoría masculina Daniel Chamosa, quen está saindo dunha lesión, parte como cabeza de cartel dunha proba que contará ca presenza do actual campión Jose Fernández do R.C. Celta quen aspira a reter o título. Juan Manuel Morales do Marineda será outro dos atletas importantes que estará na loita polos postos de honra. Xunto eles, Roberto Vieiro do C.A. Santiago e Brais Prieto do Durango Kirol conformarán este pelotón de destacados marchadores.
Esta cita servirá como último test importante de cara a establecer a lista de seleccionados e seleccionadas que representarán a Galicia no Campionato de España do vindeiro día 10 de febreiro no Vendrell.

Noticias Web FGA .- Ourense ultima os preparativos para o seu absoluto

Noticias FGA

Ourense ultima os preparativos para o seu absoluto

Este vindeiro fin de semana a Pista Cuberta de Ourense, vivirá a súa gran festa atlética da tempada en interior ca disputa do Campionato de Galicia Absoluto e Sub 23 que xuntará a un importante número de atletas.
A partir das 10:30 horas do domingo máis de 600 atletas femininos e masculinos tomarán parte nesta edición trixésimo cuarta na procura dun bo rexistro co cal poder satisfacer as distintas aspiracións de cada un deles e delas.
Haberá como é costume nesta cita, moita emoción e igualdade nas probas,  favorecéndose o feito de que este ano se decidira incluir a competición no calendario nacional ca finalidade de favorecer a presenza de atletas importantes.
Por parte destacada galega contaremos ca actuación da mundialista absoluta Solange Pereira nos 800 m. e nos 1.500 m. e que xunto ó olímpico Jean Marie Okutu en lonxitude e a internacional en triplo Ruth Ndoumbe darán cartel a esta importante cita.
Como atletas comunitarios destacados confírmase a presenza do gran valor luso do medio fondo, a atleta Sub20 cuarta sobre os 1.500 m. nos mundiais da súa categoría de Tampere, Mariana Machado quen tomará parte nos dos 800 m. e dos 1.500 m.  compartindo distancias con outra das destacadas, a francesa nas ringleiras do Celta Feminino, Alice Marie Finot.
Xunto elas e eles estarán tamen algúns dos atletas importantes así como os máis emerxentes do noso atletismo entre os que salientamos a Lucía Sicre do Ría Ferrol quen tomará parte nos 800 m.;El Medhi el Naboaui do C.D. San Paio A Estrada quen o fará sobre os 3.000 m.; Eva Queimaño do A.F. Celta no concurso de altura; Mauro Triana do Playas de Castellón sobre os 200 m.; Alejandro Fernández do Ourense At. nos 3.000 m.;  Adolfo Sainz Maza do R.C.Celta sobre  a pértega, altura e 60 valados; Andrea González da S.G. Pontevedra en peso; Olaia Guisela Becerril do A.Femenino Celta en lonxitude e Paula Iglesias do Riazor Coruña nos 400 m. entre outros e outras.

Noticias Web FGA .- A Copa marcha para Vigo e Pontevedra

Noticias FGA

A Copa marcha para Vigo e Pontevedra

Atletismo Femenino Celta con 79 puntos e Sociedad Gimnástica de Pontevedra con 88 p. proclamáronse no día de hoxe campións da XV Copa de Galicia de pista cuberta que se desenvolvería nas instalacións cubertas de Expourense baixo un gran ambente deportivo.
Unha vez máis o equipo masculino pontevedrés revalidaría o título copeiro que leva gañando nas últimas cinco edicións ó mesmo que as atletas do Celta Feminino que de igual modo, repiten título por cuarta vez consecutiva.
Xunto ós campións masculinos, estarían ocupando postos de podio o Atletismo Narón con 72,5 puntos e o Atletismo Santiago con 68 p.,  sendo a Sociedad Gimnástica con 78 p. e o Ría Ferrol con 72,5 p. os que farían o propio na categoría feminina.
A tónica dominante sería o gran ambente nas bancadas e a loita mantida na pista polos equipos participantes que estarían pelexando ata a última proba do encontro. Como mostra desa gran igualdade na categoría feminina, a copa decidiríase por tan só un punto de diferencia.
Compre salientar o trunfo feminino celeste logo do abandono por lesión na proba dos 800 m. da atleta Ruth Carrera que faría sumar cero puntos a formación que preside Paula Mariño. Non menos meritorio sería tamén por parte viguesa pero masculina, a súa remontada ata casi rozar o podio malia a descalificación de David Ngwudile nos 200 m. e na que o Atletismo Santiago non deixaría pasar a oportunidade de seguir facendo historia e medrando no deportivo ó facerse ca terceira praza.
Por parte do equipo pontevedrés os trunfos parciais virían da man de Carlos Porto sobre os 1.500 m. con 4:04.58, Joao Alexandre Riveiro nos 60 m. valos con 8.31, David Ferrer en lonxitude con 6.85 m , Santi Ferrer en pértega con 4.50 m., Victor Gallego e peso con 15.93 m. así como a proba de relevos que sería gañada cun rexistro de 4:37.74
No tocante ó Atletismo feminino Celta as súas victorias virían da man de Alice Marie Genevieve Finot nos 1.500 cun excelenre rexistro de 4:18.09, Elvira Okutu en lonxitude con 5.12 m., Eva Queimaño en altura 1.56 m., Bea Viteri en pértega con 3.41 m. e  equipo de relevos con 5:29.55

Noticias Web FGA .- Xa se pode delixenciar a nova Licenza de Ruta e Trail Running

Noticias FGA

Xa se pode delixenciar a nova Licenza de Ruta e Trail Running

Xa se pode dilixenciar en Galicia a Licenza de Ruta e Trail Running, aprobada pola Asemblea Xeral da Federación Galega de Atletismo e feita conxuntamente coa Real Federación Española e resto de Federacións Autonómicas.
Os ámbitos na que se poderán empregar serán:
  1. Autonómico
  2. España, Andorra, Pirineo Francés, Portugal e Marrocos
  3. España, Europa e Marrocos
  4. Mundial, agás países en conflicto de guerra
Esta nova licenza representa para os amantes do “Trail Running” un conxunto de importantes medidas nas que cabe citar a ampla oferta deportiva, así como a cobertura sanitaria tanto nos adestramentos como na propia competición.
Normativa de organización de carreiras en ruta, campo a través, montaña e trail 2018 – 2019
Seguindo con este asunto, vense de facer pública mediante a Circular FGA 07/2019 as condicións ofertadas pola citada Federación no tocante a normativa de organización de carreiras en ruta, campo a través, montaña a trail onde se recollen todos aqueles aspectos organizativos, económicos e funcionáis destas probas.

VER CIRCULAR 

Noticias Web FGA .- Emoción e espectáculo na Copa de Clubs

Noticias FGA

Emoción e espectáculo na Copa de Clubs

Chega este domingo á instalación cuberta de Ourense unha das competicións máis vibrantes e vistosas de cantas se poden disfrutar no calendario atlético de probas oficiais nesta tempada. A Copa de Clubs de Pista cuberta, da o pistoletazo de saida ás grandes citas por equipos que este ano terán por sede os principais esciarios galegos e que esta fin de semana xuntarán na cidade das Burgas, a un total de dazaseis equipos e a preto de 250 atletas na procura deste prezado título en xogo.
A priori na categoría masculina a Gimnástica de Pontevedra parte como claro favorito logo de impoñerse nas catro últimas edicións, malia que haberá que agardar ó que faga o Celta quen xa desbancaría ós pontevedreses do título de aire libre do ano pasado. Da mesma maneira na categoría feminina serán as celestes quenes partan con esa etiqueta de favoritas a expensas do que poidan facer Ria Ferrol, ADAS Proinor e Gimnástica de Pontevedra aspirantes claras a podio e título.
A nivel individual contarase ca presenza de destacados atletas entre os que cabe citar a Javi Cancelas do A. Santiago e Nerea Iglesias do Ria Ferrol quenes tomarán parte nos 60 m.l.  Elian Nuna, quen corre como filial do LUCUS, competirá sobre os 400 m. sendo o celeste Gonzalo Basconcelo quen o faga sobre os 1.500 m.  Alex Fernández do Ourense Atletismo, que sobre o asfalto ven de amosarse intratable, sairá nos 3.000 m, contando os concursos cas actuacións tanto de Anxo Blanco en Triplo como de Victor Gallego en peso, ambos da Gimnástica.
No tocante a categoría feminina, Raquel Lameiro en triple e Sandra Mosquera nos 3.000 m. competirán ca camiseta do ADAS Proinor, facendoo ca do A.Femenino Celta Eva Quimaño en altura,  Andrea Pais nos 200 m. e Alice Marie Genevieve nos 1.500 m.

 

Noticias Web FGA .- Nova composición da Xunta Directiva da FGA

Noticias FGA

Nova composición da Xunta Directiva da FGA

Continúanse perfilando as distintas áreas e estructuras internas da Federación Galega de Atletismo neste novo mandato. Isidoro Hornillos, presidente da FGA e profesor da Universidadade de A Coruña, rematou a composición da Xunta Directiva que acompañarán ó ex atleta olímpico en Moscú 80, nesta nova lexislatura que acaba de principiar
Lalo Gómez, vicepresidente primeiro 
No apartado de vicepresidencias sitúase ó fronte Eladio Gómez experto en marketing e empresario do sector deportivo.  Xuíz, atleta e presididente do Club Atletismo Aurum, iría gañando importancia e proximidade no entorno federativo nos últimos anos. El ocupará a vicepresidencia primeira sendo o responsable da coordinación con todos os estamentos atléticos.
Catro vicepresidencias
Ramiro Cillera será outras das incorporacións. Licenciado en ADE pola USC, este empresario dos Seguros e do Téxtil e presidente do C.D. San Paio a Estrada, ocupará a Vicepresidencia Deportiva.
Iván Sanmartín, Licenciado en Educación Fisica é o actual delegado da FGA en Santiago. Este técnico de deportes do concello de Ames é o principal impulsor do atletismo na capital galega e asume a Vicepresidencia de Estructura Territorial .
Jesus Vázquez , Vicepresidente da área de Relacións institucionais e Sociais. Mestre especialista en Educación Física, cursa na actualidade o grao en Ciencias da Actividade Física e o Deporte, sendo profesor de primaria. Conta con experiencia na xestión e adestramento deportivo en diferentes modalidades.
Ramón Tasende, asume a Vicepresidencia da Área de Formación. Este histórico atleta internacional dos anos 70, preolímpico en Munich 1972,  leva toda a súa vida vencellado ó atletismo en distintas facetas, entre elas a de adestrador. A nivel laboral ocuparía varios postos en áreas no Concello da Coruña.
Catorce vogais: atletas, directivos, xuíces e adestradores
Nas área de vogais están representados todos os estamentos do atletismo galego sendo nada menos que cinco os presidentes de clubs que formarán parte deste novo proxecto directivo aportando a súa visión e capacidade.
José Antonio Alvarez, inxeñeiro en Telecomunicacións e presidente do Ourense Atletismo, José David García, presidente do C.A. Millaraio., Diego González, Enxeñeiro Naval, e presidente do Club Pinarium de Marín, Miguel Soto Castiñeira, Enxeñeiro Técnico en Informática e responsable de Decathlon, é o actual presidente del C. A Naron, Angel Serantes, especialista e asesor fiscal é Presidente do Real Club Celta Atletismo e adestrador.
Importantes atletas internacionais tamén estarán presentes no novo organigrama
Rosa Sierra Palmeiro, Licenciada en Matemáticas e en Educación Física, foi marchadora internacional na década dos 90. Actualmente á atleta master.
Julia Vaquero Licenciada en Educación Física. A histórica e lexendaria atleta galega asume este cargo para aportar a súa experiencia e coñecementos.
Esther Pedrosa, técnica deportiva, desenvolve a súa actividade profesional no servizo de deportes da USC. Atleta máster con máis de doce medallas en competicións europeas e mundiais.
Teresa Castro, Licenciada en Medicina. Exerce como médico en Vimianzo acadando como atleta máster o último subcampionato mundial por equipos
Veteranía, capacidade e unha dilatada experiencia
Santiago Ferrer, profesor de ensino secundario.  Este adestrador nacional seguirá aportando e sumando dende a súa calidade de xuíz e atleta como xa o fixera tanto na área técnica como nas distintas comisións nas que tomaría parte.
Eloy Bretal operario da industria conserveira e xuíz nivel III. É o actual presidente do Comité Galego de Xuices
Carmen Torres profesora de instituto dos seus ciclos formativos. Esta xuíz olímpica nivel IIII sería a Directora do Centro Galego de Tecnificación Deportiva de Pontevedra.
A maiores contarase ca incorporación de Flor Currás, funcionaria do ensino secundario, profesora de inglés e experta en Comunicación así como a do experto e Licenciado en Economía Juan Guerrero Pascual, quen a nivel laboral ocupa o cargo de asesor empresarial.
A eles sumamos os distintos membros que xa integraban algúns dos cargos de organización e responsabilidade da FGA entre os que se atopa Carlos Castro, Licenciado en Educación Física e actual Secretario Xeral;  Madó González, Doutora en Psicioloxía e Directora Técnica; Yolanda González, Diplomada en Empresariais e actual Tesoureira;  Dolores Rojas, Licenciada en Psicioloxía e Xerente;  Paulino Cartelle, militar de profesión e Delegado da FGA en Ferrol;  David Ferrer, Licenciado en Educación Física e Delegado federativo en Pontevedra;  Angel Fidalgo, funcionario do Estado e Delegado da FGA en Ourense;  José Manuel Rodríguez, Licenciado en Dereito e Delegado da FGA en Lugo;  Manuel Rodríguez, traballador do sector da construcción e Delegado no Barco, e por último Miguel Martínez vinculado ó mundo deportivo en varias disciplinas e Delegado en Vigo.

Noticias Web FGA .- Importantes incorporacións no Sector Técnico da FGA

Noticias FGA

Importantes incorporacións no Sector Técnico da FGA

Continúanse a perfilar os distintos sectores estratéxicos federativos deste novo mandato que contarán con importantes cambios na área técnica.
A Directora Técnica da Federación Galega de Atletismo, Madó Gonzalez, non dubida en amosar as súa satisfación polo comezo deste novo curso “ A verdade e que conseguimos perfeccionar un organigrama técnico de primeirísimo nivel na que contamos con experiencia, veteranía e calidade malia que por riba de todo elo destaco a ilusión, grado de compromiso e ganas de traballar de todos eles”
Continuidade e novas caras
No tocante ao sector de valos, segue á fronte un ano máis José Vicente Veiga (Malpica, 1961. Licenciado en CC da AF e do Deporte). Un referente no panorama atlético galego, que xunta veteranía, experiencia e un amplo coñocemento do seu sector.
Ó fronte da velociodade seguirá Jose Carlos Tuñas (Lugo, 1962) quen nos últimos anos ven impulsando con notable éxito un sector que xa conta con importantes velocistas no panorama nacional.
Na Marcha e Medio Fondo e Fondo seguirán respectivamente tanto Carlos Morales (Lugo, 1986. Licenciado en E. Fisica) como José Manuel Peña ó fronte dos mesmos ca misión de seguir impulsando estos sectores nos que a nosa comunidade é punteira e líder a nivel nacional.
No apartado de novas incorporacións moitas teñen sido as efectuadas. Para comezar o biolímpico vigués David Gómez (O Rosal, 1981) asumirá as parcelas de Responsable de Combinadas e de Saltos Verticais nas que aportará o seu coñocemento e experiencia tanto na parcela técnica de adestrador como na competitiva de alto nivel.
Verónica Cores (Vilagarcía, 1979. Licenciada en E. Física), é outra das caras que se incorporan neste novo organigrama federativo nos saltos horizontais. A exatleta campiona galega, licenciada en INEF e presidenta do Mazí aunará todas esas cualidades no sector buque insignia do noso atletismo nos últimos anos.
Os lanzamentos, a gran aposta
Sen lugar a dúbidas é no sector de lanzamentos onde se van a producir un maior un número de cambios e novas incorporacións. O seu responsable Raimundo Fernández (A Coruña 1947. Licenciado en E. Física) apostará este ano pola inclusión de todo un plantel de luxo para o seu organigrama “sen lugar a dúbidas tanto por cualificación na que prácticamente todos son licenciados en educación física como por experiencia e currículo, temos o mellor plantel técnico de lanzamentos de España” manifesta este histórico adestrador.
Para comezar será nada menos que o pentaolímpico Frank Casañas (Cuba,1978. Licenciado en E. Física) quen estará ó fronte da parcela técnica de disco sumando o seu impresionante currículo internacional ca súa formación de Licenciado en Educación Física.
Outro atleta internacional, Necho Fernández (A Coruña, 1970. Licenciado en E. Física) ocupará o cargo de responsasable de xavelina. Este campión de España ven de desenvolver nos últimos anos tarefas técnicas de adestrador na Escola de Lanzadores de A Coruña.
Víctor Gallego (Vigo, 1986. Licenciado en E. Física) será outra das novas incorporacións no sector de peso. O capitán da Gimnástica é todo un referente no sector dos lanzamentos do noso atletismo ó ser xunto a Ánxeles Barreiro o atleta con máis títulos galegos autonómicos acadados.
José Manuel Hermida, (Vigo, 1958) o principal impulsor dos lanzamentos na zona sur da nosa comunidade e un dos artífices da importancia estratéxica deste sector no noso atletismo, continuará ó fronte do concurso de martelo.
Por último o presidente do Club Atlética A Silva, Pepe Domínguez (Lalín 1972. Licenciado en E. Física) será quen coordine a área de promoción dos lanzamentos na nosa comunidade. O seu excelente traballo como técnico na zona de Cerceda e a súa traxectoria atlética como atleta Máster, valeríalle este recoñecemento.

Noticias Web FGA .- Equipos clasificados para a XV Copa de Clubs

Noticias FGA

Equipos clasificados para a XV Copa de Clubs

Xa temos a relación provisional de clubs que tanto por clasificación directa como por estadillo están chamados a tomar parte na XV Copa de Galicia de Clubs en Pista Cuberta que acollerá Ourense o vindeiro día 13 de xaneiro.
Serán un total de 8 entidades tanto femininas como masculinas as que tomarán parte nesta cita, das cales as catro primeiras clasificadas do pasado Campionato de Galicia de Clubs ó aire libre están seleccionadas de maneira directa. O resto de formacións foron escollidas de entre os que mellor puntuación obtiveron mediante estadillo de marcas da tempada 2017/2018 así como da tempada actual ata o 30 de decembro de 2018 (malia que os seus atletas ano 2018 pertenceran a outro club).
Tanto o Atletismo Feminino Celta en mulleres como a Sociedad Gimnástica de Pontevedra en homes aspiran a revalidar o título do ano pasado acadado nestas mesmas instalacións.
Establécese un prazo de reclamacións ata as 14:00 horas do día 6 de xaneiro
Relación de clubs femininos: Atletismo Femenino Celta, Ría Ferrol, Sociedad Gimnástica de Pontevedra, Asociación Deportiva Atlética do Sil (ADAS), Atlética Lucense, Lucus Caixa Rural Galega, Riazor Coruña e C.A. Santiago (pedentes de posibles reclamacións)
Relación clubs masculinos: Real Club Atletismo Celta, Sociedad Gimnástica de Pontevedra, C.A. Santiago, C.A. Narón, Lucus Caixa Rural Galega, Atlética Lucense, Ourense Atletismo e A.Viguesa de Atletismo (pedentes de posibles reclamacións)

Noticias Web FGA .- A Asemblea Xeral da FGA pechou o ano ca súa convocatoria en Compostela

Noticias FGA

A Asemblea Xeral da FGA pechou o ano ca súa convocatoria en Compostela

O atletismo galego celebrou na tarde de onte nun fermoso paraxe, o Parador dos Reis Católicos (Santiago de Compostela),  a Asemblea Xeral da FGA que ten carácter anual. Cos habituais puntos do orde do día: actas, calendarios, orzamentos, normativas, propostas…, desenvolveuse a xuntanza nunha ambiente constructivo que facilitou notablemente o debate e os acordos.
Foron bastantes os asembleístas que asumían por primeira vez a responsabilidade de representar aos seus Estamentos. Tras a benvida do presidente da FGA e facer un minuto de silencio en memoria das persoas finadas no último ano que tiveron vinculación directa co atletismo galego e tras aprobar as actas de anteriores xuntanzas, Isidoro Hornillos fixo un repaso xenérico do acontecido no último ano e da situación do atletismo galego.
Na súa intervención, o presidente da FGA destacou as actuacións internacionais dos atletas galegos; ás dos clubs, tanto nas diferentes ligas como a nivel de base; as actividades do Comité Galego de Xuíces e adestradores. Tamén fixo repaso da evolución das licenzas que seguen medrando de forma moi positiva en todos os estamentos; a ampla actividade desenvolta anualmente con 368 competicións oficiais en Galicia; tamén á situación das instalacións e medidas do Plan Galego da FGA 2018-2022, entre outros.
Os seguintes puntos, estudo das propostas dos asembleístas e  orzamentos, incluído o custo de licenzas, foron tratados e, nos casos necesarios, sometidos a aprobación por parte dos representantes. Todos eles gozaron do respaldo da Asemblea Xeral. Dous deles foron a aprobación, como novidade no atletismo galego, da licencia de Ruta/Trail Running e a licenza de organizador.
Atención especial tivo o debate en torno a o calendario de competicións e normativa en xeral. Tras á defensa que fixo a Directora Técnica e recoller as propostas dos asembleístas alcanzouse un consenso.
A xuntanza da Asemblea Xeral Ordinaria rematou con rogos e preguntas nas que houbo mencións a moitos aspectos do atletismo galego, xerando un debate construtivo.
A continuación se celebrou, como único punto na Orde do Día, a Asemblea Extraordinaria de modificación de Estatutos da FGA, aprobándose tamén a reforma. Na mesma se recoñece a especialidade de Trail Running entre as disciplinas da FGA, seguindo os pasos da Federación Internacional (IAAF) e Real Federación Española de Atletismo.
Tras elo o presidente da FGA despediuse de todos os representantes, desexando un feliz ano 2019.

Páginas

Suscribirse a RSS - Noticias FGA